الرئيسيةس .و .جبحـثالتسجيلدخول

شاطر | 
 

 يوميات طالب هندسه زراعيه (زراعه يعني)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
pepo_hoba
مهندس نشيط


عدد الرسائل : 47
تاريخ التسجيل : 13/07/2008

مُساهمةموضوع: يوميات طالب هندسه زراعيه (زراعه يعني)   الأربعاء يوليو 16, 2008 3:40 am

الله أكبر الله أكبر..أذان الظهر..
-يارب.. يارب بحق ده الآذان تنجح يا نون يابن ابنى وأشوفك دكتور أد الدنيا
-ياستى بس أنا فى زراعه
-وماله يابنى هو يكتر على ربنا...... ده ربنا قادر على كل شئ
-ياستى ونعم بالله بس اللى بيطلع دكتور لازم يكون فى كلية الطب مش زراعه
-ياللا زراعه تجاره مش هتفرق ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا
-ياستى التجارة اللى فى الوكالة حاجة واللى فى الكلية حاجة تانية الله يخرب بيتك ياستي انا في زراعه انتي نستيني كل حاجه
-ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق
-جدى إيه اللى هايخدنى معاه .....ده جدى مات من زمان ياستى
-يامصيبتى عبد الواحد مات..ياحبيبى ياأخويا..مكنش يومك ياسبعى
-ياستى ده ميت من تلتين سنة
-تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة
-ياستى حرااام عليكى عايز أذاكر بقى
-يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون
-ياستى دبلون إيه..أسمه البكالوريوس
-أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة الزراعه وخد الدبلون
-خلاص دبلوم دبلوم ياستى ..سيبينى بقى عشان أذاكر
-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب- وأخلاق..وعلام كمان
-ياستى عبير دى معاها أعدادية
-وماله يابنى ...الراجل مايعبهوش إلا جيبه
-راجل ...راجل مين ياستى...عبير دى بنت
-عبير ...عبير مين ياوله..أنته بتعرف بنات من ورانا
-لا إله إلا الله....أبوس رجلك ياستى أرحمينى بقه
-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى
-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات
-صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان
-حراااااااااااااااااااااااااااااااااام ............ستى ماتطلعى البلكونة شويه ...ده الهوا حلو بره
-لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى
-خلاص روحى المطبخ ...أهو زمان أمى خلصت الرز
-رز...رزإيه يابنى....هوأنا ليه سنان للرز...أناهطلع البلكونه أحسن
-طب أبقى خلى بالك م الهوى ياستى
-هوى لما يلطشك
الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة قبل ما أكتب أهم حاجة فيها
ياترى أنا كان إسمى إيه؟؟ ياترى كان إسمى إيه؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ExtraGeniusKareemkhaled
مهندس عبقري
مهندس عبقري
avatar

عدد الرسائل : 213
العمر : 29
الموقع : http://www.extratechnology.co.uk/
تاريخ التسجيل : 24/05/2008

مُساهمةموضوع: رد: يوميات طالب هندسه زراعيه (زراعه يعني)   السبت يوليو 19, 2008 4:24 am

ههههههههههههههههههههههههههههههههههههههههههههههههههه
ايه يا عم دة
سلملى على ستك وقولها الرئيس جمال عبد الناصر بيسلم عليكى وبيقولك احنا خلينا اللحمة بالتسعيرة حسب طلبات الشعب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.facebook.com/profile.php?id=728940942
pepo_hoba
مهندس نشيط


عدد الرسائل : 47
تاريخ التسجيل : 13/07/2008

مُساهمةموضوع: رد: يوميات طالب هندسه زراعيه (زراعه يعني)   السبت يوليو 19, 2008 4:17 pm

هو فيه حد قلك تستلموني انت و عمر ايه يا بني فكك من مواضيعي اما ستي فبتسلم عليك وبتقلي خليه يسلملي علي امه علشان بقالي كتير مشفتهاش
وبتقلك علشان خاطر جمال عيد الناصر نصير الغلابه والفقرا ابقي ابعت ابوك يشتغل عند عمك محمود في الجزاره(هيمسكله الاروه)
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
E L S A K R
مشرف المنتدي الرياضي
مشرف المنتدي الرياضي
avatar

عدد الرسائل : 677
العمر : 29
الموقع : ww.mohamedhassan.org
تاريخ التسجيل : 06/05/2008

مُساهمةموضوع: رد: يوميات طالب هندسه زراعيه (زراعه يعني)   السبت يوليو 19, 2008 6:02 pm

pepo_hoba كتب:
هو فيه حد قلك تستلموني انت و عمر ايه يا بني فكك من مواضيعي اما ستي فبتسلم عليك وبتقلي خليه يسلملي علي امه علشان بقالي كتير مشفتهاش
وبتقلك علشان خاطر جمال عيد الناصر نصير الغلابه والفقرا ابقي ابعت ابوك يشتغل عند عمك محمود في الجزاره(هيمسكله الاروه)
يا بني يا حبيبي بتجيب سيرة عمر ليه بس هو عمر عاملك حاجه يالا انا مسمحك
بس مولانا محمد علي الكبير بيسلم علي ستك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mohamedhassan.org
al_shama
ضيف شرف عظيم
ضيف شرف عظيم
avatar

عدد الرسائل : 498
تاريخ التسجيل : 26/04/2008

مُساهمةموضوع: رد: يوميات طالب هندسه زراعيه (زراعه يعني)   السبت يوليو 19, 2008 6:20 pm

هههههههههههههههههههه
ايه ده يا ابني ؟
انتم جايبين المواضيع الجامدة دي منين
هي ستك بتعاملك وحش كده ليه ؟
اوعى تكون مش ستك وبيضحكوا عليك ولا حاجة
ع العموم خد بالك منها عشان الشباب اليومين دول عينهم بتزوغ على اللي ف سنها
ههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
the war
مهندس مبتدئ


عدد الرسائل : 1
تاريخ التسجيل : 28/05/2008

مُساهمةموضوع: رد: يوميات طالب هندسه زراعيه (زراعه يعني)   السبت سبتمبر 20, 2008 9:49 pm

esmak howa nanos 3an seto
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات طالب هندسه زراعيه (زراعه يعني)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسه زراعيه عين شمس  :: افتكاسات :: نكت وافاشات-
انتقل الى: