الرئيسيةس .و .جبحـثالتسجيلدخول

شاطر | 
 

 حتسقط حتسقط ** الجزء التالت **

اذهب الى الأسفل 
كاتب الموضوعرسالة
hossam
مهندس نشيط
avatar

عدد الرسائل : 35
العمر : 31
تاريخ التسجيل : 10/04/2008

مُساهمةموضوع: حتسقط حتسقط ** الجزء التالت **   الإثنين يونيو 02, 2008 12:25 pm

المشهد الأول - كابوس رقم 1:

نهار داخلي..حجرة أحد الطلبة الفاشلين..ليلة الأمتحان..قبل الفجر:

فاكر إن لسه بدري ع الأمتحان.. وطبعاً لسه مذكرتش حاجة ولا فتحت كتاب.. وفجأة .. ألقي في روعي -وماتقولش يعني إيه روعي؟- إن فاضل كام ساعة ع الأمتحان .. يا نهار أسود..مرة واحدة كده؟؟ .. ده أنا لسه ما ذاكرتش .. حاولت أقرأ أي حاجة بسرعة .. بس القراية بطيئة .. والكلام كتيييير .. والوقت بيجري بسرعة .. وأنا بنهج .. ونفسي بيروح .. وعايز أصرخ .. أصرخ... Sleep

لأاااااه ه....... (cut)

أصحا من النوم مفزوعاً لأجد أن الأمتحان لسه مجاش!!.

المشهد الثاني - كابوس رقم 2 :

برضه نهار بس خارجي المره دي .. راكب الميكروباص والسواق راجل عجوز .. دايس ع البنزين بطرطوفة صوبع رجله الصغير وعمال يكحكح وشكله بيموت أساساً .. عداد السرعة بيقرا 3 متر في الساعة .. وأنا بصرخ يا عم: أسرع أبوس رجلك فاضل خمس دقايق ع الأمتحان .. الوقت بيجري .. أنزل من الميكروباص وأقعد أجري في الشارع .. أجري .. لكن رجلي ما بتجريش .. والأسفلت بيتحــول لرملة .. ورجلي بتغرز في الرملــة .. وبنهج .. بنهج .. ونفســي بيــروح .. وبصرخ .. بصرخ .. لأاااااااااه ه ......(cut)

أصحا من النوم مفجوعاً لأجد أن "برضه الأمتحان لسه ما جــاش"!.

المشهد الثالث - كابوس رقم 3 :

نهار داخلــي .. نفس الحجرة بتاعة كابوس رقم 1 .. نايم على السرير غارق فــي نوم عميق .. وفجأة يرن جرس المنبه .. أصـحو مفزوعاً على صــوته المزعج .. أنظر في الساعة .. يا نهار أسود الساعة 12 .. ده أنا أمتحاني الساعة 9 .. أنا كده الأمتحان فاتني .. أنا سقطت .. صدري بيضيق ..نفسي بيروح .. عايز أصــرخ .. أصــرخ ..لأااااااااااه ه .......(cut).. زي كل مرة طلعت فطشة

المشهد الرابع - كابوس رقم 4 :

نهار خارجي .. بجري جوه كليتي عشان ألحق الأمتحان لكن المرة دي كنت عارف ميعاد الأمتحان .. ومارحتش عليا نومة ..ولا أتأخرت ع الأمتحان .. كل حاجة المرة دي ماشية مظبوط ..

وصلت إلى اللجنة في هدوء .. تركت حاجتي ع الباب واقتربت منها ولسه هدخل لقيت المراقب بيقولي:

- رايح فين يا كابتن؟؟

- هي مش دي كلية زراعة؟؟

- أيوة

- امتحان هندسه سنة تالتة

- تمام ..

- طيب عايز أدخل

- لا.. تدخل فين؟؟ .. (ثم يبتسم ابتسامة صفراء) ثم قال : مفيش مكان

- مفيش إيه؟؟!!!!

- مفيش مكان..

- إيه الجنان ده؟؟ .. هو انا بركب ميكروباص عشان تقولي مفيش مكان؟؟

- ميكروباص.. أتوبيس .. قولتلك مفيش مكان ..يعني مفيش مكان

- يا عم ده أنا معايا رقم جلوس

- والله لو معاك بسبور..برضه مفيش مكان

- طب أروح دلوقتي ولا أعمل إيه

- أطلع على مبنى العميد يمكن تلاقيلك مكان هناك

أخدتها جري وطلعت على مبنى العميد .. لقيت أمة لا إله إلا الله واقفة

- إيه يا جدعان .. هو إيه النظام؟؟

- والله مستنيين

- مستنيين إيه بالظبط؟؟

- مستنيين أي حد يخلّص عشان حد يخش مكانه

- إيه يا جدعان .. هية ميضة؟؟ .. ده امتحان .. يعني ممكن محدش يخرج إلا في آخر الوقت

- والله أدينا مستنيين .. أدعي بس أنت ربنا يسهل للي جوه..

وأخذ الجميع يهتف في صوت واحد .. يا لطيف .. يا لطيف.. وبعد كتير من الدعاء ولاابتهالات مثل يا مسهل سهلها .. وانتعهم بالسلامة يا رب .. وبعد مرور معظم الوقت .. ربنا سهل لواحد ودخلت أنا مكانه .. كتبت اسمي على ورقة الإجابة ورقم جلوسي ولسه حقول يا هادي لقيت اللي يقولي "ضع القلم" ..بيني وبينكم أنا كنت عايز أضع القلم في عينه .. لكن استخسرت القلم .. قعدت أنهج .. ونفسي يروح .. وأصرخ .. أصرخ .. لأااااه ه.. لكن محدش قال: (cut) .. ولا صحيت م النوم .. ذلك لأنه كان بالفعل كابوس حقيقي.


مع تحيات حسام ابتشي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
E L S A K R
مشرف المنتدي الرياضي
مشرف المنتدي الرياضي
avatar

عدد الرسائل : 677
العمر : 29
الموقع : ww.mohamedhassan.org
تاريخ التسجيل : 06/05/2008

مُساهمةموضوع: رد: حتسقط حتسقط ** الجزء التالت **   الأربعاء يونيو 04, 2008 2:20 pm

ههههههههههههههههههههههههههه
دي حلوه يا بوب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mohamedhassan.org
hossam
مهندس نشيط
avatar

عدد الرسائل : 35
العمر : 31
تاريخ التسجيل : 10/04/2008

مُساهمةموضوع: رد: حتسقط حتسقط ** الجزء التالت **   الأربعاء يونيو 04, 2008 7:51 pm

طبعا حلوة هو انا امتى كتبت موضوع بش حلو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سيادة اللواء
مهندس نشيط
avatar

عدد الرسائل : 28
تاريخ التسجيل : 11/04/2008

مُساهمةموضوع: رد: حتسقط حتسقط ** الجزء التالت **   الجمعة يونيو 06, 2008 8:01 am

القلم فى عينه برضه
جامدة يا ابو حس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
hossam
مهندس نشيط
avatar

عدد الرسائل : 35
العمر : 31
تاريخ التسجيل : 10/04/2008

مُساهمةموضوع: رد: حتسقط حتسقط ** الجزء التالت **   الجمعة يونيو 06, 2008 12:59 pm

معلش اصلنا في موقع محترم و انا ما اقدرش اقول كنت عاوز احط القلم فين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
pepo_hoba
مهندس نشيط


عدد الرسائل : 47
تاريخ التسجيل : 13/07/2008

مُساهمةموضوع: رد: حتسقط حتسقط ** الجزء التالت **   الخميس يوليو 17, 2008 12:33 am

لا جامده استمري استمري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حتسقط حتسقط ** الجزء التالت **
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسه زراعيه عين شمس  :: افتكاسات :: حكاوي القهاوي-
انتقل الى: