الرئيسيةس .و .جبحـثالتسجيلدخول

شاطر | 
 

 حصريا - امتحان العربي للثانوية العامة 2008‏

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Hms Elhaya
مهندس جامد
avatar

عدد الرسائل : 119
العمر : 28
تاريخ التسجيل : 05/03/2008

مُساهمةموضوع: حصريا - امتحان العربي للثانوية العامة 2008‏   الجمعة مايو 30, 2008 4:21 pm

السؤال الأول: التعبير
اكتب ما لايقل عن 650 سطر فى أحد الموضوعات التالية:
0لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب

اللجنة




0شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن .. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز




بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ـــــــــــــــــ...

السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى:

ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟




ما هى اللحمة؟ أو على الأقل حدد أقرب معنى خيالى لها


مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت






لماذ ضربه الرجل بالجزمة وليس بالعصى مثلا؟؟

(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة مع واحد تانى.. افهم انت بقى) اختر



حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ـــــــــــــــــ...
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة




فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟




دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

((أكيد معزوم – طبيعى معزوم – وربنا معزوم..))

اختر على أن تضع إيدك على المصحف وانت بتحلف للمراقب بتاع اللجنة
> > ـــــــــــــــــ...
> >
> > السؤال الرابع النصوص
> > أجب عن أحد النصين الآتيين
> > من نص ( ماشربتش من نيلها)..اقرأ ثم أجب
> > ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها



بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

المسيسبى - الأمازون – يونج يانج



هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه
> >
> >
> >
> > أكمل الأبيات إلى آخر كحكة فى الكليب
> >
> >
> >
> > قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
> > ـــــــــــــــــ...
> > من نص (حين ميسرة)..أجب عن الآتى
> >
> >
> >
> > اذكر اسم مصيبة واحدة محصلتش فى النص الأسود ده
> >
> >
> >
> > وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى



> > سبب وجود الشرطة كل خمس دقائق فى النص
> >
> > موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص<<

اختر
> > ـــــــــــــــــ...
> >
> > السؤال الخامس النحو
> >
> > أعرب ما تحته خط.. لو مالقيتش القطعة أصلا ..اتصرف


ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب
> >
> > كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
> >
> > فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
> >
> >
> >
> >



معلش بأه يا جماعة ده اعتذار مقدم من سيادة المستشار اللي حاطط الامتحان....أو مش بالضبط تقدروا تقولوا اني بعتذر بداله.....عن الخطأ الفادح الذي ورد في الموضوع الثاني في جزء التعبير عن أن سعر الحديد وصل إلى 6500 جنيه.....سيادته بيعتذر جدا وبيقول سعر الحديد بأه 7500 جنيه..حتى تاريخه.(اللي هو النهاردة).....وهو مالوش دعوة بأه بال500 جنيه اللي هتزيد بكره........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
al_shama
ضيف شرف عظيم
ضيف شرف عظيم
avatar

عدد الرسائل : 498
تاريخ التسجيل : 26/04/2008

مُساهمةموضوع: رد: حصريا - امتحان العربي للثانوية العامة 2008‏   الجمعة مايو 30, 2008 4:47 pm

والله بشعة في الجمال بتاعها وضحكتيني وانا مش ليا نفس اضحك
بس تفتكري الإمتحان ده ممكن ينزل لدفعة كام من طلبة الثانوية العامية
واللي اكيد هيجاوبوه بصباع رجليهم الصغير
ويا حبذا لو دخلتي لهم فقرة عن الموبايل والدش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ghazalko
supervisor software
supervisor software
avatar

عدد الرسائل : 229
العمر : 30
الموقع : http://ghazaaaal.hi5.com
تاريخ التسجيل : 25/02/2008

مُساهمةموضوع: رد: حصريا - امتحان العربي للثانوية العامة 2008‏   السبت مايو 31, 2008 11:34 am

ههههههههههههههههههههههههههههههههههههههههههههههههه

بجد انتى ملكيش حل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
B O S H K A S H
مشرف المنتدي الاسلامي
مشرف المنتدي الاسلامي
avatar

عدد الرسائل : 362
العمر : 30
الموقع : http://www.zamalek.sc/
تاريخ التسجيل : 01/03/2008

مُساهمةموضوع: رد: حصريا - امتحان العربي للثانوية العامة 2008‏   السبت مايو 31, 2008 4:00 pm

ايه الامتحانات الجامده ديه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.zamalek.tv/
E L S A K R
مشرف المنتدي الرياضي
مشرف المنتدي الرياضي
avatar

عدد الرسائل : 677
العمر : 29
الموقع : ww.mohamedhassan.org
تاريخ التسجيل : 06/05/2008

مُساهمةموضوع: رد: حصريا - امتحان العربي للثانوية العامة 2008‏   الخميس يونيو 05, 2008 12:29 pm

هههههههههههههههههههههههههههههههههههههههههه
ايه المواضيع الجامده دي
موضوع يستهل اني ارفع القبعه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mohamedhassan.org
Eng Hatem
المدير العام
المدير العام
avatar

عدد الرسائل : 240
تاريخ التسجيل : 23/02/2008

مُساهمةموضوع: رد: حصريا - امتحان العربي للثانوية العامة 2008‏   الثلاثاء يونيو 10, 2008 4:05 pm

so niiiiiiiiiiice topic and i think u must be the ministre of education
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://agriengineering.montadamoslim.com
Hms Elhaya
مهندس جامد
avatar

عدد الرسائل : 119
العمر : 28
تاريخ التسجيل : 05/03/2008

مُساهمةموضوع: رد: حصريا - امتحان العربي للثانوية العامة 2008‏   الخميس يونيو 12, 2008 12:59 am

Very Happy ميرسي ليكم جدا يا جماعة
انشاء الله ربنا يقدرني و أنزل مواضيع تعجبكم تاني Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حصريا - امتحان العربي للثانوية العامة 2008‏
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» ماسنجر جديد لايفوتك oovoo.2008‏

صلاحيات هذا المنتدى:لاتستطيع الرد على المواضيع في هذا المنتدى
هندسه زراعيه عين شمس  :: افتكاسات :: نكت وافاشات-
انتقل الى: