الرئيسيةس .و .جبحـثالتسجيلدخول

شاطر | 
 

 حتسقط ... حتسقط *الجزء الثاني*

اذهب الى الأسفل 
كاتب الموضوعرسالة
hossam
مهندس نشيط
avatar

عدد الرسائل : 35
العمر : 31
تاريخ التسجيل : 10/04/2008

مُساهمةموضوع: حتسقط ... حتسقط *الجزء الثاني*   الخميس أبريل 17, 2008 11:33 am

يا نهااااااااااااار أبيض ايه ده يا حسام اللي بيحصل انت كنت في غيبوبة ولا ايه فاضل اسبوع واحد بس على الأمتحان نهارك مش فايت انت لسه فيه مواد ما فتحتهاش من اساسه ولا تعرف عنها حاجة يا وقعة مش معدية ...خلاص يا جماعة انا حاسس إن انا ضعت ..ضعت ضعت ..


خلاص يجب أن اعلنها عالية مدوية مذاكرة حتى الموت هو ده شعار المرحلة ......مذاكرة حتى الموت


- يا حسااااام ....

مين اللي بينادي من الشارع ده ..هو ده وقته ده صوت الواد سيد مستيكة.

- أيوا يا سيد ...

- مش حتيجي تتفرج على الماتش عندي في البيت ولا ايه .

- لالالا ....انا ورايا مذاكرة

- يعني هو من أمتى انت بتذاكر من أساسه يا عم فكك يلا بس ماتش يفوت ولا حد يموت .

- لالا يا سيد شعار المرحلة دلوقتي مذاكرة حتى الموت ..

- مرحلة ايه ؟؟ ومذاكرة ايه؟؟ انت حر يا عم موت انت براحتك وانا رايح اتفرج على الماتش .





- طيب آآآآ...آآآ أستنى يا سيد آآآآ أنا جاي معاك

- طيب وشعار المرحلة يا فالح ؟؟؟

- ممكن أجراء تعديلات بسيطة عليه ...

- أزاي يعني يا عبقري زمانك

- ممكن نخليه مذاكرة بعد الماتش .


الثلاثاء **


خلاص النهاردة يوم الحسم النهاردة يوم الخلاص ..خلاص يعني خلاص .

بس طبعا لازم الشغل يكون على مية بيضا لازم جدول مذاكرة وحبة شغل كده في الأوضة أعملك جدول مذاكرة كده ..ولازم يكون حاجة محترمة بقى ...


طيب أيه رأيك يا واد يا حسام تكتبه كمبيوتر وتعلقه شكله حيبقى شيك أوي ...وبعدين انت عايزلك كده تعلق كده كام ورقة علشان ترفع همتك يعني تكتب كده ورقه مكتوب عليها سبعة أمتياز إن شاء الله ...وكمان ورقة تكتب عليها الراجل العادي يبذل مجهود مش عادي ...حاجة تقوي نفسيتك على المذاكرة


يااااااااه الكمبيوتر بايظ صحيح ..خلاص أنزل أكتبه في السيبر اللي على اول الشارع

جاتلي فكرة جهنمية ..

عقبال ما أحمد فلوبي اللي شغال في السيبر يخلصلي الجدول والورق أقعد على النت ساعة كده علشان أشوف طرق المذاكرة العلمية الحديثة واتصفح المواقع النفسية اللي فيها وصفات مجربة عن الكيفية الصحيحة للمذاكرة أهو كده يبقى الشغل على مية بيضة ... وبالمرة أشيك على الأيميل يمكن في جديد ..وكمان شوية سلامات على حبايبي في الماسينجر ...

وياسلام كمان كده لو ايميلين تلاتة محبة للناس اللي بقالك كتير ما شوفتهاش ..

إلا أخبار الآي سي كيو أيه ..بيقولوا بقى يبعت ماسيدجات لموبايلات فودافون كمان يا سلام كده لو كام ماسيدج للحبايب تطلب منهم يدعولك ربنا يوفقك السنة دي ...

ويا سلام كمان لو تروح تنام علشان تصحى بكرة بدري وتذاكر من أول اليوم


الأربعاء ////////

الساعة 12 ظهرا


بس كده خلاص جينا للشغل الصح ...وضعنا شعار المرحلة ....وحطينا خطة خمسية كده يبقى نشتغل على مية بيضة


لكن مش عارف ليه حاسس أني تعبان ومرهق كده ومش في " المود " يمكن علشان ما فطرتش طيب أقوم أفطر وبعد كده حبقى في " المود "


الساعة 1 ظهرا


فطرت اهو يا عم الحاج ملكش حجة بقى ...لكن مش عارف ليه لسه مش في " المود " طيب ساعة كده أروح عن نفسي ما هو لازم الترويح عن النفس ده يعني هي المذاكرة حتبقى 24 ساعة ده حتى حرام وظلم وربنا ما يرضاش الظلم


الساعة 2 ظهرا ...


مفيش مشاكل كمان ساعة ترويح علشان انا حاسس أني مش في المود.


الساعة 3 عصرا ...


كمان ربع ساعة بس ترويح عن النفس........... ( تم تكراره اربع مرات )


الساعة 4 عصرا


الغدا ...أكيد الغدا هو اللي حيخليني في مود المود ....


الساعة 5 المغرب


ساعة تمشية لتصريف الغدا وبعدها ابقى في المود ....


الساعة 6 عشاءً ....


المود مش موجود


الساعة 7


مفيش مود


الساعة 9 ليلا


مفيش مود


الساعة 12 ليلا


مود يا حمار ...


الخميس ///////


مصدع


الجمعة //////


زهقان


السبت //////


تعبان


الأحد ///////


ورمان


الأثنين /////

الأمتحان

pale
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Eng Hatem
المدير العام
المدير العام
avatar

عدد الرسائل : 240
تاريخ التسجيل : 23/02/2008

مُساهمةموضوع: رد: حتسقط ... حتسقط *الجزء الثاني*   الجمعة أبريل 18, 2008 5:33 pm

ربنا يهديك يحسام ده احنا بالشكل ده اصلا خلااص سقطنا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://agriengineering.montadamoslim.com
سيادة اللواء
مهندس نشيط
avatar

عدد الرسائل : 28
تاريخ التسجيل : 11/04/2008

مُساهمةموضوع: رد: حتسقط ... حتسقط *الجزء الثاني*   الأربعاء مايو 14, 2008 4:02 pm

جااااااااااااامد
ابقى سلملى على مستيكة وفلوبى afro
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
E L S A K R
مشرف المنتدي الرياضي
مشرف المنتدي الرياضي
avatar

عدد الرسائل : 677
العمر : 29
الموقع : ww.mohamedhassan.org
تاريخ التسجيل : 06/05/2008

مُساهمةموضوع: رد: حتسقط ... حتسقط *الجزء الثاني*   الأربعاء مايو 14, 2008 4:30 pm

دي حاجه متوقعه يا حسام
انت من يومك وانت فاشل
وبعدين مش مشيت ورا سامح واتجهت للتدخين
ابقي قابلني
ههههههههههههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.mohamedhassan.org
ghazalko
supervisor software
supervisor software
avatar

عدد الرسائل : 229
العمر : 31
الموقع : http://ghazaaaal.hi5.com
تاريخ التسجيل : 25/02/2008

مُساهمةموضوع: رد: حتسقط ... حتسقط *الجزء الثاني*   الأربعاء مايو 14, 2008 9:01 pm

انت مالك ومال سامح ياااااااااد
لو سمحت خليك فى حالك يا عم الشيخ شيخ ........ولا بلاش
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حتسقط ... حتسقط *الجزء الثاني*
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
هندسه زراعيه عين شمس  :: افتكاسات :: حكاوي القهاوي-
انتقل الى: